تدوينة رياضية

منعم بلمقدم: رجاء الزيات خسرت كل الاعتراضات..حيط قصير (الجزء الأول)

كتب الزميل الصحافي منعم بلمقدم عن رفض اعتراضات الرجاء وقال: رجاء الزيات خسرت كل الإعتراضات..حيط قصير

اعترضت على الديربي و طالبت التأجيل ذهابا ولم يتأجل..
اعترضت على الحكم الكامروني إيسوما .. فضحكوا عليها بتوقيفه لعام ولم تستفد شيئا..بعدما نال الحكم الزبدة وثمن الزبدة وذهب ليرتاح..
اعترضت على الحكم العلام وطرد بانون ..ولا أحد تسوق لها..
اعترضت على حكم مباراة وجدة وجزاء قد سخط الله و ضحك عليها حدقة بقوله..كاين الجزاء ولم يكافئها بأي جزاء..
اعترضت على التيازي أمام الحسيمة فرد عليها حدقة..التيازي راجل مزيان..
لم تعترض على هدف السعيدي بعد مساهمة غير مشروعة من باباطوندي اللي سد الزنيتي يشوف صومعة الكتبية ماشي غير الكرة..
لم تعترض على غلق دونور في عز حاجة الفريق لملعبه عربيا وقاريا حتى انتحر ..
هاد الحيط القصير خلالهم يوقفوا نناح جوج ماتشات..ضربني وبكا سبقني وشكا..اللوين مظلوم و24 ساعة بعد خطاب الزيات باش يحيد الحمراء ردو عليه بجوج ماتشات..
برحمة طرد جوج مرات في 3 ماتشات ..هدد مساعد برشيد بمقص..وهو عميد ديال الفرقة وعندو حالة التكرار توقف ماتش واحد .. ونناح عندو سجل نظيف عمرو تطرد ..لا ظروف تخفيف و لا فيديو و لا الزيات خلعهوم..فهم تسطا؟
اللي ذكي غادي يلاحظ أن هاد الإعتراضات كلها كتجي بعد ضغط الجمهور..بعد ارتفاع صوت الكورفا اللي كيدافع على الفرقة ديالو..يعني راني كنسمعكوم وهو حتى واحد ما كيسمع ليه فالكوزينة..
الصحافة تساءلت من باب الحياد علاش تأجل كلاسيكو الجيش وهو ساكت رغم أن القانون فالصف ديالو ويفترض الماتش يتلعب قبل ما تسافر الوداد لجنوب إفريقيا..
أقصى ما قدر عليه هو دار ندوة صحفية وداك الشي ديال”حذاري” اللي ما كيوكلش الخبز..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى