الساكت: “أيت منا عايش الغرام والحب مع وداد ومعلبالوش بالمحمدية.. مبغيناش نهضرو في الناس ومشاكلهم الأسرية لكن هاد شي للي عطا الله!!”
الصحفي قال: "واقع ليه بحال هداك للي زوجو باه صحة بشي درية لا يحبها ومرة مرة كيسلت ويمشي عند صديقته القديمة للي كيتشورط عليها"
كتب الزميل الصحفي يوسف الساكت، تدوينة عبر حسابه على موقع التواصل الاجتماعي ”فيسبوك”، عن هشام أيت منا رئيس شركة شباب المحمدية لكرة القدم، وعلاقته بالوداد وقال:
هشام ايت منا
واقع ليه بحال هداك للي زوجو باه صحة بشي درية لا يحبها (شباب المحمدية)، ومرة مرة كيسلت ويمشي عند صاحبو القديمة للي كيتشورط عليها (الوداد)..
في الأول
كان شويا كيشحم يبين هاد العلاقة غير الشرعية، وضارب عليها الطم، لكن هاد الايام خارج ليها كود.. ولا كيبان معاها في جميع المناسبات والاماكن وصابر على هدرة الناس.. حتى أنه كيدخل دارها بلا خبار راجلها وولادها..
والمشكل ان ايت منا والد الولاد مع مراتو (شباب المحمدية)، وسألت عليها بالصاير والنفقة حتى أن ولادو مشاو اليوم الرباط يلعبو مع الجيش الملكي وعندهم حتى فرنك..
وهو فين شادها..
راه عايش الغرام والحب مع وداد..ومعلبالوش..
مبغيناش نهضرو في الناس ومشاكلهم الأسرية لكن هاد شي للي عطا الله !!
