الإبراهيمي للمغودي: أسي (الناقد) واش باغي تحتج وتعرف الحقيقة ديال 15 مليون؟.. احتج على ملاطي رئيس لجنة الأخلاقيات للي تابعة للجامعة ماشي للعصبة
قال: حتى حنا بغينا الحقيقة.. إلى كنت رجل المواقف وبالنار والحديد حط الصورة ديال مدير الشؤون الجنائية وقل ليه ارحل وقل ليه أنتم فاسدون
وجه الأستاذ عصام الإبراهيمي رئيس المركز المتوسطي للبحوث والدراسات في القانون الرياضي، والمسؤول السابق في نادي الرجاء الرياضي لكرة القدم، رسالة للناقد الرياضي محمد مغودي، عبر تدوينة في حسابه الرسمي، وجاء فيها التالي:
أسي (الناقد)
واش باغي تحتج و باغي تعرف الحقيقة ديال 15 مليون ،..؟؟؟
خاصك تحتج على رئيس لجنة الأخلاقيات لي هو الدكتور هشام ملاطي ،،
لجنة الاخلاقيات تابعة للجامعة ماشي للعصبة ،،
حتى حنا بغينا الحقيقة
حط الصورة ديال مدير الشؤون الجنائية وقل ليه ارحل وقل ليه أنتم فاسدون ،،
إلى كنتي رجل المواقف و بالحديد و النار و غير متساهل مع الفساد ،
احتج على رئيس اللجنة المستقلة و حنا معك ندعمك و نؤيدك لأنك رمز من رموز النضال الكروي،،
بلقشور راه مسكين غير منتدب من طرف الجامعة لتدبير كرة القدم ،،
واش من نيتك تاظن بلقشور يقدر يفرض على قاضي و مدير الشؤون الجنائية باش يخرج قرار بإدانة الرجاء ،
يالله بغينا تتعلموا منك الشجاعة و النضال و محاربة الفساد
نيش مزيان اصحبي و حنا و الله تا نجيبو ليك الگفة حتى ل العرجات و نديرو ليك محام فابور
