تدوينة رياضية

يوسف الساكت: من خطط ودرس ووافق على اتفاقية مقاطعة مولاي رشيد ونهضة بركان “المهزلة” خاصو يتفتح معاه تحقيق فوري

الصحفي قال: "باش تنقز 606 كلم من البيضاء لبركان وتافق على توقيع اتفاقية تعاون خاصك تكون واعر وعندك صنطيحة كبيرة"

كتب الصحافي يوسف الساكت في تدوينه رياضية عبر حسابه على موقع التواصل الاجتماعي “فيسبوك” عن اتفاقية التعاون والشراكة والتكوين بين مقاطعة مولاي رشيد ونهضة بركان، وقال:

عرفتي باش تنقز من مقاطعة مولاي رشيد بالدار البيضاء وتحط الرحال بمدينة بركان، اي على بعد 606 كلم، وتافق مع نهضة بركان وتوقع معاها اتفاقية تعاون وشراكة وتكوين… خاصك تكون فعلا وااااعر وعندك صنطيحة كبيرة!!!

مقاطعة مولاي رشيد، خلات كازا بجميع فرقها في القسم الأول وخلات جهة الدار البيضاء سطات بجميع فرقها في القسم الأول (جهة الدار البيضاء سطات فيها 6 فرق في القسم الأول كرة القدم)، ومشات نقزت حتى بركان باش يديرو معاهم اتفاقية د التكوين والدعم اللوجيستيكي…

ممكن نفهم أن الناس د مقاطعة مولاي رشيد عندهم شي بلان غير واضح في هذه الاتفاقية الغريبة، للي خاصها تدخل كتاب غينيس في التفاهة!!!

لكن كيفاش غادي نفهم ان هذه الاتفاقية صادقت عليها عمدة الدار البيضاء التي احيلت عليها وفق المادة 234 من القانون التنظيمي 133.14 وباقي المواد الأخرى التي تعتبر المقاطعة مجردة من الشخصية الاعتبارية!!!

فمن خطط ودرس ووافق على هذه المهزلة التي تعطي جمعية نهضة بركان عددا من الامتيازات والملاعب والتجهيزات والتسهيلات في الدار البيضا، بما فيها التزكية للاستفادة من منح المبادرة الوطنية للتنمية البشرية، خاصو يتفتح معاه تحقيق فوري!!!

علاش زعما غادي تكون عندي اتفاقية مع الوداد والرجاء فيها أكثر من مليار سنتيم، ومن بعد غادي نضرب 606 كلم باش نقلب على فرقة من شرق المملكة تقوم بنفس مهام التاطير والتكوين!!!

هاد الفيلم مدخلتش ليا راسي وفيه إن كبيرة!!!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى