كتب الصحافي منعم بلمقدم عن خطط الرجاء وقال:
اللي جرادة يسطاسيوني هنا..
اللي اخضر باللون ماشي فدماغو يتنصت
غادي نعطيكوم ملخص القميص وكاع داك الشي اللي بغيتو بشكل فريد..
كلشي على لسان صحابو ومالين الشغل ولا علاقة لي بتبني معلومة واحدة
الزيات اسيادنا مابغاناش نرجعو لعهد سطالين..الزيات طلع ماشي اشتراكي السيد رأسمالي صحيح..بحالاش؟
الزيات كيقول داك الشي ديال سطالين و الإشتراكية ناكلو خبزة مجموعة سالا..
هادي الرجاء خاصها جطها كامل أكثر من البقية..قاليك واش الزمالك و الأهلي بحال فراقي مصر؟
أجي فين غادي؟ السيد ماساهلش..مشا بعيد كيقول ليكوم” خاصنا أكثر من 600 مليون حنا كنعطيو منتوج واعر..حشومة سيتكوم مسلوق ديال رمضان يتصرف عليه الملايير لمنتوج باسل و حن ناخذو الشياطة وعندنا غير جمهورنا كيقدم منتوج ولا في الخيال”
سدينا هاد الضوسي.. أراك الملعب،، الزيات مامفاكش باغي مليار و نصف كاملة مكمولة.. علاش ؟ حيث دخل ف 5 أشهر هاد المبلغ بفضل الجراد..وتحرم ف 5 أشهر من مبلغ مماثل..السيد كيقول الله يسمح فرحلة العذاب للرباط اللي ما ربحناش فيه 6 المباريات.. الله يسمح اللي غربونا..وقصاونا من الكاف و كأس زايد و عطلونا فالبطولة..لكن ما شي الله يسامح فالتعويض بغينا جطنا؟
ندوزو للبطولة الرجل مؤمن بالريمونطادا .. قاليك أسيدي عندو 6 الماتشت فتيرانو و 4 على برا فيهم ما يدار..
هو ثايق في أن هناك مثل فرنسي يقول لا جوج من دون ثلاثة..بغا الطبسيل هاد المرة..
باين مقوس مزيان على الجيران ديالو عندهوم 4 الخرجات حامضين شوية جوج فالدار مع الرجا وطنجة وجوج مع أكادير و الجيش..
دوز حيد.. أرا العصبة حالف تيلعبها العام الجاي إن شاء الله.. مال كارطيرون” قاليك تسناو يسالي العام و غادي تحكموا .. أرا متولي ريحة المش كاينة فالعش..
ندوزو دابا للتعاقدات .. نساو نغوما راه ما كيعرفوش.. قاليك كاين ما احسن.. نزيدكوم كاع جوج من البلاد و جوج طنوگا من ورا الواد..يعني خارج المغرب
ومال القميص المزوق وفيه اللون الأحمر؟ السيد عارف اش كيدير هذا راه فن التسويق و البوز.. خالف تعرف..و الأحمر مالو ماشي لون راهن لون الدم فالعروق الخضراء..
الزيات سير دوز لهيه..
كارطيرون .، من غير ظريف من غير راسو صغير..و الله حتى أحسن من غاريدو وعلى حسابي؟
بدا تالف حيث لقا كاروسريات بلا مازوط.. السيد احتاج للروداج..دابا سخن ..
4 الماتشات اللخرين واش عارفين شنو فيهم<. كلهم تلعبوا بعاد على الدار البيضاء
كلهم تربحوا و ب 15 هدفا و في 3 مسابقات مختلفة..
كيفاش كتفكر فالديربي؟ باغي نربح كلشي عندي ديربيات..
باغي تجدد و لا لا؟ الأهم عندي الرجاء تكون فالشامبيونزليغ.. أنا صحيح حمقني هاد الشعب بغيت نبقى ..قولها بلاصتي أوكي شاف؟
البطولة بان ليا راك محمر و ساكت على دقتك؟ ستر ما ستر الله نلعبو ماتش بماتش ونتسناو .. الى سالينا ب 64 نقطة تقدر توقع معجزة اللي فراسي هو أن البطل عندكوم كيسالي بأقل من هاد الشي؟
متولي بغيتيه و لا لا؟ من فمك لربي اللهه أودي هو الأول؟
الجمهور الرجاوي أش بان ليك فيهوم؟ يرد ” واش هادوك بشر أنا أشك.. كيبان ليا من كوكب آخر”
بغيتي تضيف شي حاجة .. بغيت غير نبقى هنا..
أجيوا للقميص .. مالوا خضر مزعزع.. علاش هاز الثقل واش ما كاين ما حسن؟
الزيات: واش فراسك هذا أغلى قميص فتاريخ الكرة المغربية؟ غير أجي ويولي ثقيل ..خاصك تفيق بكري..
معشر الجراد.. هذا ملخص كل مادار وملخص المؤتمر و التقديم و الكواليس ..والله لا لقيتو هاد السلعة فبلاصة ثانية
تحياتي..
