ديزي دروس: شيخ المدربين مرة يتحجج بالتحكيم ومرة يلصقها فالبرمجة ولكن حقيقة الأمر واضحة البنزرتي مدرب عقيم

تفاعل مغني الراب ديزي دروس، ومشجع الوداد الرياضي لكرة القدم، مع هزيمة الأحمر بهدف دون رد أمام كايزر شيفز، في المباراة التي جمعتهما مساء اليوم السبت، على أرضية “دونور” لحساب ذهاب نصف نهائي عصبة أبطال إفريقيا، وانتقد المدرب التونسي فوزي البنزرتي، في تعليق له على الصفحة الرسمية للنادي الأحمر، وفيما يلي نص التعليق:

“أي واحد تبّع الوداد من أول العام مايمكنش مايبانوش ليه نقاط الضعف والخلل ديال الفرقة. المشكل هو ملي هاد المشاكل مايبانوش للمدرب والطاقم “الطقني” أو بالأحرى يتم تجاهلها بسبب سخونية الراس والتعنت. شيخ المدربين مرة يتحجج بالتحكيم ومرة يلصقها فالبرمجة، ولكن حقيقة الأمر واضحة: البنزرتي مدرب عقيم، رتيب، لا يجيد التعامل فحالة التأخر فالنتيجة، خطة وحيدة جوفاء باغي يدوّر بيها العام كامل حتى من التغييرات ولّينا حافضينهم. كرة القدم تبدلات والمدرب ولّى مطالب يدخل موجد لگاع الاحتمالات وكل احتمال يكون موجّد ليه خطة وكل خطة موجد ليها لعّابة ديالها. شيخ العقيمين كيتلف كيقلب أوناجم مع اللافي.. اللاعبون لا يلامون على أكثر من جهدهم، العقروش دار ليهم استنزاف (للأمانة كاين لعابة تما ماشي نيفو ديال تشامبيانز ليغ..). الخلاصة واخا ندّيو 10 الألقاب هاد العام البنزرتي خاصو يشد أول طيارة يمشي علينا بحالو”.