الركراكي: “غادي نلعبو مع فرقة دات كاس العالم 5 لمرات وحتى حنا عندنا لي كاليتي باش نديرو شي حاجة ونبينو أن داكشي للي درنا في المونديال ماكانش مفاجأة”
الناخب الوطني قال: ''بغيت نقول للجمهور المغربي خاصنا نحتارموا النشيد الوطني ديال البرازيل ونغنيو النشيد ديالنا''
عقد وليد الركراكي، مدرب المنتخب الوطني لكرة القدم، ندوة صحفية اليوم الجمعة 24 مارس 2023، والتي تسبق مباراة “الأسود” الودية أمام منتخب البرازيل.
وقال الناخب الوطني: “الماتش مع البرازيل ماشي ساهل، ديما كان عندهم لعابة كبارين ومزال عندهم وخا نيمار ماغاديش يكون، وعندهم نجوم كيلعبو في الأندية الكبار وهي واحد الفرقة للي ربحات 5 لمرات كاس العالم، وغادي يبغيو يبينو أنهم عندهم روح كبيرة باش يرجعو لمستوى ديالهم بعد المونديال”.
وواصل المتحدث ذاته: ”حتى حنا مع الجمهور ديالنا نديرو ماتش كبير باش نبينو بأن داكشي للي درنا في كاس العالم ماكانش مفاجأة، وحتى حنا عندنا لي كاليتي باش نديرو شي حاجة إن شاء الله”.
وأضاف الركراكي: ”في كاس العالم مابغيناش غير ندافعو لأن لعبنا مع فراقي كبار، وكان أي غلط درناه يكلفنا الخروج من المنافسة، ولكن غدا عندنا الحرية باش نغامروا في اللعب أكثر لأن الماتش ودي، ولكن غادي نحاولوا نديرو المشاكل للبرازيل”.
وختم الناخب الوطني بالقول: ”مللي كنا في قطر فحال للي كنا في المغرب، ولكن اللعب في البلد مختلف كل الجمهور مغربي، ونقول للجمهور المغربي خاصنا نحتارموا النشيد الوطني ديال البرازيل، باش نعكسوا صورة زوينة علينا، وكيف ديما راه الجمهور ديما هو الرجل الثاني في الملعب”.
