الناصيري: “كانت ديون أكبر وتغلبنا عليها.. عندنا مبالغ خاصنا نخلصوها ولاعبين خاصنا نخلصوهم وغادي نأديو هادشي صافي سالات الهضرة”
رئيس الوداد قال: "مبينزا ماشي لاعب ديالنا غير معار تنتسناوه يجينا باقتراح معقول ماشي مطالب مبالغ فيها ودابا تنعيطو ليه وماتيجيش..والله يهديه"
أوضح سعيد الناصيري، رئيس نادي الوداد الرياضي لكرة القدم، في تصرحات صحفية، أن النادي ما يزال يعاني من أزمة خانقة، ويحاول التغلب عليها، بتسديد ديون النزاعات، وكذلك منح التوقيع للاعبي الفريق، إلى جانب مصاريف أخرى، كما كشف الرئيس الودادي أنه ما يزال يخطب ود المهاجم الكونغولي غي مبينزا، من أجل شراء عقده.
وقال الناصيري: “عشنا عامين صعيبة وحتى حد ما سول منين جبت هاديك 25 مليار للي خلصت هاد السنين، تنحاولو نتغلبو على الأزمة وخلصت البريمات ديال الماتشات الكبار وغادي نتغلبو على هاد الأزمة ومنح التوقيع غادي نخلصوها.. حنا مستمرين وكل واحد غادي نعطيوه ديالو وحتى واحد مايتخوف من هاد الباب حنا صامدين وعازمين باش نحلو هاد الاشكاليات للي عندنا”.
مضيفا: “كانت ديون أكبر وتغلبنا عليها.. عندنا مبالغ خاصنا نخلصوها ولاعبين خاصنا نخلصوهم وغادي نأديو هادشي صافي سالات الهضرة”.
وواصل المتحدث ذاته: “مبينزا ماشي لاعب ديالنا غير معار وجبناه وقدم للي عليه، كتبنا ليه وللنادي ديالو ولكن هو تيطلب منك شي حاجة للي غير معقولة حيت جاوه عروض من السعودية، تنعيطو ليه وماتيجيش وتنتسناوه يجينا باقتراح معقول ماشي مطالب مبالغ فيها الله يهديه”.
